Brıtanııa KSRO-nyń paıdasyna qyzmet etken óz agentiniń qupııasyn ashty
ASTANA. QazAqparat - Brıtanııa barlaýshylary ashylǵan qupııa qujattardan Ekinshi dúnıejúzilik soǵys kezinde brıtandyq qupııa agentterdiń biri bolǵan Sedrık Belfradj Keńes úkimetiniń barlaý qyzmetine jumys jasaǵanyn ashyp otyr. Biraq ol sol úshin eshqandaı jaýapkershilikke tartylmaǵan, dep jazady «VVS» agenttigi.
Brıtanııa barlaý qyzmeti bul jaǵdaıdy bile tursa da, úkimet bedeline nuqsan keltirýi múmkin degen sebeppen jaǵdaıǵa qarsy áreket etpegen. Al, qupııasy ashylǵan qujattarda «MI-5» Belfradj keltirgen zııannyń qanshalyqty ekenin tolyq sezinbegenin aıtady.
Tarıhshylardyń pikirinshe, Sedrık Belfradj KSRO arnaıy qyzmeti úshin «Kembrıdj bestiginen» de (1930-50 jyldary Keńes Odaǵynyń paıdasyna tyńshy bolǵan brıtandyq ısteblıshment músheleri) baǵaly agent bolǵan.
