Brıtanııa kınoteatrlary TikTok-taǵy jańa trendpen kúresip jatyr
NUR-SULTAN. QazAqparat – Brıtanııa kınoteatrlary «Mınony: Grıývıtatsııa» fılmin kórýge jınalǵan fanattardyń is-áreketterimen kúresip álek. Buǵan TikTok jáne ondaǵy #gentleminions heshtegimen shyqqan jańa trend sebep bolyp otyr, dep habarlaıdy QazAqparat BBC News-ke silteme jasap.
Djentlmınıondar – jasóspirimder kınoteatrǵa klassıkalyq kostıým kıip jáne qoldaryn basty keıipker Felonıýs Grıý sııaqty ustap keledi. Sodan keıin shýlap, seans kezinde túrli zattardy laqtyra bastaıdy. Osy sıýjetpen túsirilgen rolıkterdi mıllıondaǵan jasóspirim kórip, kóbi qaıtalaýǵa kirisken.
Al, kınoteatrlardyń kópshiligi jasóspirimderdiń osy áreketiniń kesirinen shyǵynǵa ushyrap jatyr. Óıtkeni, olar seanstyń úzilýine baılanysty fılmdi kóre almaǵandarǵa aqshalaryn qaıtaryp berýge májbúr. Endi olardyń birqatary kostıým kıgen jasóspirimderdiń zalǵa kirýine tyıym saldy. Tipti, Gernsı aralyndaǵy jalǵyz kınoteatr araǵa bes jyl salyp shyqqan kishkentaı sary adamdar týraly jańa fılmdi aryqaraı kórsetýden múldem bas tartqan.
