Brıtanııa halqy Gaza aımaǵyndaǵy búlikke arasha túspegeni úshin eldiń premer-mınıstriniń otstavkaǵa ketýin talap etti
ASTANA. QazAqparat - Ótken senbide Ulybrıtanııa memleketiniń astanasy London qalasynda Gaza aımaǵyndaǵy tynyshtyqtyń ornaýyn talap etken myńdaǵan jannyń beıbit sherýi bolyp ótti, dep jazady muslim.kz.
Atalmysh aktsııaǵa atsalysqandardyń kóptigi sonshalyq, qoldaryna Palestına men Eýro Odaq týlaryn kótergendiń qatary Bı-bı-sı korporatsııasynyń shtab-páterinen Gaıdparkke deıingi aralyqty toltyrdy.
El bıligi qaýipsizdik sharalaryn meılinshe qatańdatyp, jaǵdaıdy baqylaýda ustaýǵa myńdaǵan tártip saqshylary jumyldyryldy. Tipti, London aspanyn áskerı ushaqtar qaraýyldaǵan.
Sherýshiler ızraıldikterdiń palestınadaǵy áskerı áreketin dereý toqtatýdy jáne de basyp alǵan jerlerin bosatýdy talap etti. Aktsııa aıasynda Ulybrıtanııadaǵy 100 000 evreıdiń qoly qoıylǵan petıtsııa tabystaldy.
Sondaı-aq, beıbit sherýshiler Gaza aımaǵynda basqynshylyq soǵysyna toqtaý qoımaǵandyǵy úshin eldiń premer-mınıstri Devıd Kemeronnyń otstavkaǵa ketýine talap qoıdy.
