Brıtanııa ǵalymdary júktilik kezinde ishimdik ishýge tyıym saldy
ASTANA. QazAqparat - Brıtanııa dárigerleri áıelderge júktiliktiń alǵashqy úsh aıynda ishimdik ishýden tolyq bas tartý qajettigin eskertti, dep jazady VVS agenttigi.
Bul týraly Akýsherler men gınekologtardyń Koroldik kolledjiniń jańartylǵan resmı keńesinde aıtyldy. Aıta ketý kerek, keńes buǵan deıingi sheshiminde júktiliktiń alǵashqy merziminde aptasyna eki bokal sharap ishýge bolatynyn aıtqan. Endi ǵalymdar, júktiliktiń alǵashqy úsh aıy uryqtyń damýy úshin erekshe mańyzdy merzim ekenin eskertip, araq-sharap balanyń joldasy arqyly ótip, sharananyń ómirine úlken qaýip tóndirýi múmkin ekenin aıtady.
Sondyqtan júktiliktiń alǵashqy úsh aıynda túsik tastaý qaýip arta túsedi.
Brıtandyq dárigerlerdiń aıtýynsha, júktilik kezinde spırttik ishimdikterdi kóp mólsherde ishý uryqtyń mıy men basqa da organdaryndaǵy túrli patologııalyq ózgeristerge ákelip soqtyrady.
Budan basqa, eger bolashaq ana shólmekke áýes bolsa, ýaqytynan buryn bosaný nemese dúnıege óli náreste týylýy múmkin.
Aıta ketelik, AQSh dárigerleri alkogoldi júktiliktiń kez kelgen merziminde ishýge qarsy.
