Brıtanııa Eýroodaqtan shyqqan kezde 145 mıllıon dollarǵa deıin joǵaltýy múmkin
ASTANA. QazAqparat - EO quramynan shyǵý brıtan ekonomıkasyna eleýli soqqy bolyp tııýi múmkin. Sebebi olar tórt jyl úshin 145 mıllıon dollarǵa deıin joǵaltýy múmkin, delingen CBI zertteý tobynyń esebinde.
RIA Novostı habarlaǵandaı, zertteýshiler olardyń EO-dan shyǵýy jumystan qysqartýlarǵa da alyp kelýi múmkin ekenin atap ótedi. 995 myń adam jumysyn joǵaltýy múmkin. 2020 jyly jumyssyzdyq deńgeıi 2-3 paıyzǵa kóteriledi.
CBI aqparatyna súıensek, EO-dan shyqqan kezde brıtan ekonomıkasynyń shyǵyny jyl saıynǵy ІJÓ-niń 5 paıyzyn quraýy yqtımal.
Brıtan premer-mınıstri Devıd Kemeron budan buryn EO-ǵa múshelikti saqtaý boıynsha referendým 23 maýsymda ótetinin málimdegen.
Eýroodaq elderiniń kóshbasshylary aqpannyń sońynda Brıýsselde onyń Eýropalyq odaqqa músheliginiń jańa jaǵdaılary týraly Ulybrıtanııanyń talaptaryn talqylady. Brıtandyq premer básekelestik, egemendik, áleýmettik saıasat jáne ekonomıkalyq basqarý - tórt saladaǵy jańa jaǵdaılardy talap etti. Sammıt qorytyndysy boıynsha Devıd Kemeron aldaǵy referendýmda eldiń EO-da qalýyn qoldaıtyn sharttar kelisildi.