Brıtanııa EO-nyń kóshi-qon ustanymdaryn ózgertkisi keledi
ASTANA. 6 jeltoqsan. QazAqparat - Ulybrıtanııanyń ІІM basshysy Tereza Meı Brıýsselde Londonnyń Eýroodaq boıynsha azamattardyń erkin qozǵalysy tártibin ózgertýi jaıynda nıetin jarııa etpek.
Atap aıtqanda 1 qańtardan bastap EO ishinde Rýmynııa men Bolgarııa azamattarynyń saparlarynan degen shekteý toqtatylady.
Osynyń aldynda Meı atalǵan shekteýdi joıýǵa jol bermeý kerek ekenin, sebebi bul óz kezeginde jappaı kóshi-qonǵa alyp keletinin aıtqan bolatyn.
Aıta keteıik, ótken aptada Brıtandyq premer-mınıstr Devıd Kemeron Eýropalyq odaq elderi ishinde erkin qozǵalysqa shekteý engizýdi usynǵan edi. Onyń sózinshe, adamdardyń senimin qaıtarý úshin EO-ǵa ózgerister qajet. Osy oraıda premer-mınıstr 2014 jyldyń qańtarynan shekteýler joıylǵannan keıin Rýmynııa men Bolgarııadan aǵylýy múmkin azamattarǵa baılanysty brıtandyqtardyń alańdaýshylyǵyn atap ótti. Sonymen qatar ol Brıtanııa sheteldik mıgranttardyń járdemaqylar men jeńildikterdi alýdaǵy quqyǵyn shekteıtinin málimdedi. Bul turǵyda ashyq aspan astynda kúneltkender nemese qaıyrshylyqpen aınalysyp júrgender el aýmaǵynan shettetiletin bolady eken.
