Brıtanııa bıligi Eýroodaqtan dál qashan shyǵatynyn aıtty
ASTANA. QazAqparat - Ulybrıtanııa úkimeti eldiń Eýropa odaǵynan shyǵýynyń dál ýaqytyn zańmen bekitedi, dep habarlaıdy TASS.
Birikken Koroldik Eýroodaqtan 2019 jylǵy 29 naýryz kúni London ýaqytymen 23:00-de nemese ortalyq Eýropa ýaqytymen 00:00-de shyǵýy tıis. Brıtanııanyń odaqtan shyǵý ýaqyty buryn da belgili bolatyn. London Eýroodaqtan Brexit protsesi bastalǵannan keıin týra eki jyldan soń shyǵýdy josparlaǵan.
Endi úkimet zańnamaǵa dál ýaqytty kórsetip túzetý engizdi. «Biz jurtshylyq ókilderi men parlament múshelerin tyńdadyq, bul túzetý qujattamalardy júrgizý kezinde shatasýǵa jol bermeý maqsatynda engizilip otyr», - deıdi Brexit máseleleri jónindegi mınıstr Devıd Devıs.
Ulybrıtanııanyń Eýroodaqqa músheligi máselesi sheshilgen referendým ótken jyldyń 23 maýsymynda boldy. Brexit-ti qoldaýshylar 51,9% daýys jınap jeńiske jetken. Aǵymdaǵy jyldyń 29 naýryzynda Birikken Koroldiktiń premer-mınıstr Tereza Meı Brıýsselge eldiń odaqtan shyǵýy boıynsha eki jyldyq protsedýralardyń bastalǵany týraly resmı málimdedi. Ol 2019 jyldyń naýryzynda aıaqtalýy tıis.
