Brıtanııa 100 myń sheteldik stýdentterdiń vızasyn qıdy
ASTANA. QazAqparat - Brıtanııa ótken úsh jyldyń ishinde EO-ǵa kirmeıtin elderdiń 100 myń sheteldik stýdentteri úshin vızalardyń áreket etý merzimin qysqartty nemese joıdy.
Bı-bı-sı-ge belgili bolǵandaı, 2013-2015 jyldardaǵy kezeńde eldiń ishki ister mınıstrligi jyl saıyn 30 myńnan astam stýdenttiń vızasyn merziminen buryn japty.
Sondaı-aq, osy merzim ishinde Brıtanııanyń 410 oqý ornynan sheteldik stýdentterdi oqytýǵa demeýshilik lıtsenzııalarynyń merzimi keri qaıtarylyp alyndy.
Keıbiri keıinnen lıtsenzııalaryn qalpyna keltirdi, alaıda tutastaı alǵanda mundaı oqý oryndarynyń sany 2013 jylǵy 1700-den ótken jyldyń sońynda 1405-ke deıin qysqardy.
Brıtanııanyń Іshki ister mınıstrligi vızalardyń áreket etý merzimin qysqartý mıgranttar aǵynyn qysqartý baǵdarlamasynyń bóligi dep ýáj aıtady. Al oqý oryndarynan lıtsenzııalardy qaıtaryp alý sebebin mınıstrlik olar usynǵan bilim qyzmetteriniń sapasy tómen bolýymen túsindiredi.
Alaıda Ulttyq stýdenttik odaq ımmıgratsııa problemasyn sheteldik stýdentter esebinen sheshýge tyrysqan bıliktiń ózinshe amaly dep sanaıdy.
Vızanyń áreket etý merzimin toqtatý onyń ıesin 60 kún ishinde elden ketýge májbúrleıdi. Іshki ister mınıstrliginen málimdegendeı, vızasy joıylǵan stýdentter elden óz erkimen ketýi tıis ekenin málimdedi. Olaı etpese, mújbúrleý sıpatyndaǵy sharalar qoldanylady, dedi vedomstvo ókili.
«Biz ulttyq múddelerge jaýap beretin ımmıgratsııa júıesiniń tıimdi jumysyn qamtamasyz etý jáne asyra paıdalanýdyń jolyn kesý úshin stýdenttik vıza berý júıesin reformalaý jumysyn jalǵastyramyz», - dep málimdedi mınıstrikten.
