Brıtandyqtarǵa Eýroodaq azamattyǵyn satyp alý usynylady
ASTANA. QazAqparat - Eýroparlament 23 maýsymdaǵy referendýmda Eýroodaqtan shyǵýǵa qarsy daýys bergen Ulybrıtanııa quzyryndaǵy azamattarǵa EO azamattyǵyn satyp alýǵa ruqsat etý jaıly bastama daıyndap jatyr.
Bul týraly búgin The Times gazetiniń elektrondy nusqasy Eýroparlamenttegi lıberaldar men demokrattar fraktsııasynyń kóshbasshysy, Belgııanyń burynǵy premer-mınıstri Gı Verhofstadt málimdemesine silteme jasap habarlady.
«Meniń oıymsha, eýropalyq azamattyǵyn saqtap qalǵysy keletin jandarǵa múmkindik berilýi tıis», - dedi Verhofstadt. Saıasatkerdiń aıtýynsha, Eýroparlament atalǵan bul bastamaǵa jyl sońyna deıin daýys beredi, odan keıin jospardy EO múshe-memleketter maquldaýy tıis.
Usynysqa sáıkes, Eýroodaq azamattary bolyp qalǵysy keletin brıtandyqtar jyl saıyn EO bıýdjetine ózderi jarna tólep turýy qajet. Sonda olarda EO aýmaǵyna kóshý jáne ómir súrý jáne eýropalyq saılaýlarǵa qatysý quqyǵy bolady. Munymen qatar, Verhofstadttyń ózi bul bastamany júzege asyrýda zańdyq qıyndyqtar kezdesetinin jasyrmady.