Brıtandyqtardyń basym bóligi EO-dan shyǵýdy qalaıdy
ASTANA. QazAqparat - Survation kompanııasy júrgizgen saýalnamada brıtandyqtardyń 43 paıyzy Eýroodaqtan shyǵýdy jaqtap daýys bergen, dep habarlady RBK.
Ulybrıtanııanyń EO-da bolýyn 40 paıyzy jaqtasa, 17 paıyzy naqty sheshim aıta almaǵan. Saýalnamanyń aıqyndalmaǵan sanyn qosatyn bolsaq, EO-dan shyǵýdy Birikken koroldiktiń 51 paıyz azamattary qoldaıtyny belgili boldy.
Saýalnama Ulybrıtanııa permer-mınıstri Devıd Kemeronnyń EO quramynda elderdiń bolý máselesi boıynsha qoıylǵan suraqty ózgertýge nıetti ekeni jaıly habarlaǵannan keıin júrgizildi. Suraqty ózgertý sheshimin Elektoraldyq komıssııa usyndy. Olar suraqtyń qazirgi redaktsııasyn jetkilikti beıtarapty emes dep sanaıdy. Ol bylaı: «Birikken koroldikke Eýropalyq odaqtyń múshesi bolý qajet pe?».
Elektoraldyq komıssııa suraqty: «Birikken koroldikke Eýropalyq odaq múshesi bolyp qalý kerek pe nemese odan shyǵý kerek pe?» dep basqasha qoıýdy usyndy. Budan basqa, komıssııa jaýaptar nusqasyn «ıá/joq» degennen «Eýropalyq odaqtyń múshesi bolyp qalý» jáne «Eýropalyq odaqtan shyǵý» dep keńeıtýdi usyndy.
Usynysty Birikken koroldiktiń Táýelsizdik partııasynyń (UKIP) kóshbasshysy Naıdjel Faradj qoldady. UKIP negizgi talaptarynyń biri EO-dan shyǵý bolyp tabylady.
Devıd Kemeron referendým ótkizý josparyn 2015 jylǵy mamyrda premer-mınıstr oryntaǵyna qaıta saılanǵannan keıin birden málimdegen. Konservatıvtik partııanyń saılaýaldy baǵdarlamasynda referendýmdy 2017 jyldyń sońyna deıin ótkizý usynylǵan, alaıda Kemeron ony 2016 jyly qazanda ótkizýge shaqyrdy.
