Brıtandyqtar úzdik ǵylymı jańalyqtardyń ondyǵyn tańdady
ASTANA. Qarashanyń 5-i. QazAqparat - Brıtandyqtar sońǵy ýaqyttardaǵy eń mańyzdy on ǵylymı jańalyqty iriktedi,
dep habarlaıdy QazAqparat BBC News saıtyna silteme jasap.
Londonnyń Ǵylym murajaıy uıymdastyrǵan daýys berýge 50 myńǵa jýyq adam qatysqan.
Brıtandyqtar birinshi orynǵa rentgen sáýlesiniń ashylýyn jáne ony medıtsına qural-jabdyqtarynda paıdalanatyn jańalyqty qoıdy. Bul nusqany 10 myń saýalnamaǵa qatysýshylar qoldaǵan. Ekinshi oryndy penıtsıllınniń ashylýy aldy. Ulybrıtanııa turǵyndary úshinshi orynǵa DNK qurylymdarynyń anyqtamasyn ornalastyrdy. Tizimde odan ári «Apollon-10» kemesiniń jáne «Faý-2» ballıstıkalyq zymyranynyń jasalýy, parovozdyń, esepteýish máshıneniń, bý qozǵaltqyshynyń, kópshilik avtomobılderiniń jáne telegraftyń oılap tabylýy ornalasty. Jańalyqtardyń bul tizimin Ǵylym murajaıynyń qyzmetkerleri ázirlegen.
