Brıtandyqtar soǵystan qalǵan ushaqpen búkil álemdi aralap shyqpaq
NUR-SULTAN. QazAqparat - Eki brıtanııalyq ushqysh Ekinshi dúnıejúzilik soǵysta qoldanylǵan áskerı ushaqpen búkil álemdi aınalyp shyqpaq, dep habarlaıdy QazAqparat Euronews agenttigine silteme jasap.
Olar dúısenbide Gýdvýdtaǵy Brıtanııa áýejaıynan 76 jyl buryn qurastyrylǵan «Spitfire» joıǵysh ushaǵymen saıahatqa attandy.
Shamamen 4 aıǵa sozylatyn sapar barysynda 43 myń shaqyrymnan astam qashyqtyqty ushyp ótip, 90 márte aıaldap, otyzdan astam elge saıahat jasaý josparlanǵan.
Áskerı ushaq soǵys kezinde 51 ret kókke kóterilip, esh aqaýsyz jumys istegen. Keıin murajaıǵa qoıylǵan. Búginde ushqyshtar birneshe qosymsha janarmaı quıatyn rezervýarlardy ornatqan, qazir ushaq 1 609 km qashyqtyqty eńsere alady.
