Brıtandyqtar Rıchard ІІІ úshin kóptegen saǵattar boıy kezekke turdy
ASTANA. QazAqparat - Ulybrıtanııadaǵy Lester soborynda qoıylǵan korol Rıchard ІІІ-niń tabytyn kórý úshin kezekke birneshe saǵat boıy turǵandar sany kóbeıgeni sonshalyq, ókimet jańadan kelip, kezekke turǵandarǵa kelesi kúni kelýge ótinish jasaýǵa májbúr boldy, dep habarlady Bı-bı-sı.
Qazirgi kezde soborǵa kirýge keminde eki myń adam tur. Koroldiń qańqasy 2012 jyly Lester qalasyndaǵy avtoturaq astynan tabylǵan. Jeksenbi kúni Rıchard ІІІ súıegi salynǵan tabyt Lester ýnıversıtetinen áketildi. Ony graftyqtyń Rıchard ІІІ bılik qurǵan kezinde mańyzdy ról atqarǵan jerlermen alyp júrdi, sonyń ishine 1485 jyly Rıchard ІІІ óltirilgen jer de boldy. Keıinnen Lesterdiń ortalyǵyna oralǵan kortej jolbaǵytynyń boıynda 35 myńnan astam adam turdy.
Rıchard ІІІ-ni qaıta jerleýdi beısenbi kúni Kenterberıı arhıepıskopy Djastın Ýelbı ótkizedi.
2012 jyly Lesterdegi avtomobıl turaǵyn qazý kezinde XVI ǵasyrdyń 30-shy jyldary qıratylǵan monastyrdyń qaldyqtary tabyldy. Ertedegi irgetastan ǵalymdar qabirdi tapty. Onda jerlengen adam kúshtep óltirilgen er adamnyń múrdesi bolyp shyqty. Qańqadan 10 jaraqattyń izi anyqtaldy, sonyń ishinde segizi - bas súıeginde bolǵan.
Ǵalymdar áýeli súıekterdiń 30 jas shamasynda ólgen er adamdiki ekenin anyqtady. Radıokómirtegi taldamasy tabylǵan máıittiń XV ǵasyrdyń ortasyna jatatynyn aıǵaqtady. Sonda bul qańqa Rıchard ІІІ-niki bolýy múmkin degen topshylaý aıtyldy.
Rıchard ІІІ Bosvorttaǵy urys kezinde 1485 jyly 32 jasynda taqqa úmitker Genrıh Tıýdormen shaıqasta qaza bolǵan, taq keıinnen korol bolǵan Genrıh VII-niń qolyna ótti.
Rıchard ІІІ soǵysta qaza bolǵan sońǵy korol boldy. Onyń ólimimen baılanysty Plantagenetter áýletiniń erler jelisi úzildi. Taq Tıýdorlardyń jańa áýletiniń negizin qalaýshy Genrıh VII-ge ótti.
