Brıtandyqtar óz baqshasynan arsalańdaǵan ıtbalyqtyń tólin tapty

dep habarlaıdy QazAqparat The Daily Telegraph saıtyna silteme jasap.

Ol jaqyn mańnan aǵyp ótetin ózenderden shaǵyn bulaqtar arqyly baqqa júzip kelgen bolýy múmkin dep joramaldanýda.

Itbalyqty  alǵash bolyp úı ıesiniń qyzy baıqaıdy. Kishkentaı ıtbalyq  shıraqtyq jáne belsendilik tanytty - ol aýladaǵy áýizdegi sýǵa batyp, syrtqa qap-qara tumsyǵy men jyltyr kózderin ǵana qaldyryp, baqylap turdy. Úı ıeleriniń polıtsııaǵa jáne Koroldik janýarlardy qorǵaý qoǵamyna telefondaýdan basqa amaldary qalmady.

Veterınarler kelem degenshe  ıtbalyqty  úı ıesiniń ıti kúzetip turdy. Mamandar ony jabaıy janýarlarǵa arnalǵan pıtomnıkke alyp ketti.

Ony alǵash baıqaǵan qyz bala   ıtbalyqqa  Santa-Klaýs buǵylarynyń biriniń qurmetine oraı Rýdolf degen at beredi. Alaıda pıtomnıktegiler ony saıahatqa qushtarlyǵy úshin Gýllıver dep ataıdy.