Brıtandyqtar boýlıngtiń qaýipti ekenin dáleldedi
ASTANA. Jeltoqsannyń 2-si. QazAqparat - Brıtandyqtarǵa boýlıngtiń asa qaýipti kóńil kóteretin oıyn ekenin dáleldeýdiń sáti tústi,
dep habarlaıdy QazAqparat Lenta.rý saıtyna silteme jasap.
Eki jylǵa jýyq ýaqytty alǵan zertteýge 250 myń fýnt sterlıng (400 myńnan astam dollar) jumsalǵan. Sarapshylardyń pikirinshe, balalardyń nemese jasóspirimderdiń jolaqtarmen júgirýi jáne keglder ornatylatyn tetikke qystyrylyp qalýy ábden múmkin.
Densaýlyq saqtaý, tehnıka qaýipsizdigi jáne eńbekti qorǵaý máseleleri basqarmasynyń esebinde eresek adamdardyń da, eger olar jolaqpen júrse jáne kegldi qolymen qulatýǵa áreket etse, osyndaı qaterge ushyraýy múmkin ekendigi kórsetilgen. Biraq buǵan deıin mundaı birde-bir jaǵdaıdyń tirkelmegeni de atalady.
Salyq tóleýshiler alıansiniń ókilderi tehnıka qaýipsizdigi basqarmasynyń biren-saran oqıǵalarǵa bola bir jaqty qorytyndy jasap otyrǵanyn málimdedi. Sarapshylar olardyń mánsiz zertteýge qyrýar qarajat jumsaǵandaryn aıyptady.
