Brıtandyqtar barlardan staqandardyń urlanýymen qalaı kúresýdiń amalyn tapty
LONDON. 8 tamyz. QazAqparat - Sıdr óndiretin brıtanııalyq kompanııa London barlaryna sýsynmen birge ózderiniń fırmalyq staqandaryn jetkizedi.
Olarǵa degen suranys ta mol, sebebi munda kelýshiler ózderimen birge ydysty jymqyryp ketedi eken.
Jasyryn kameraǵa túsirilgen jazbalarda kelýshilerdiń 90 paıyzynyń staqandardy urlap jatqany nemese soǵan árekettengeni baıqalǵan.
Fırmalyq staqandardyń urlanýyn toqtatý úshin kompanııa shara qoldandy: staqandaryn sensor jáne sııa kapsýlasymen jabdyqtap qoıdy.
Eger staqan bardan 30 metrge assa, kapsýla jarylyp, urlaǵan adamnyń ústine qara jáne kók tústi tez kete qoımaıtyn sııa tógiledi.
