Brıtandyq joǵary oqý oryndarynyń qazaqstandyq stýdentteri Londonda bas qosty
LONDON. Qarashanyń 24-i. QazAqparat /Bela Qudaıbergenova/ - Brıtandyq joǵary oqý oryndarynyń qazaqstandyq stýdentteri Qazaqstan Prezıdenti Nursultan Nazarbaevpen bolǵan «tikeleı jelidegi» dıalog kezinde belgilengen perspektıvalardy talqylaýda.
London ýnıversıteti kolledjiniń hımııalyq ınjenerııa fakýltetiniń úshinshi kýrs stýdenti Aıshat Erǵalıeva, tikeleı jeli kezinde Elbasynan qazaqstandyq joǵary oqý oryndarynyń negizinde ǵylymı-tehnıkalyq parkter qurýdyń múmkindigi týraly saýal qoıǵan bolatyn. Ol saýalǵa jaýap bergen Elbasy, elimizdiń birqatar ınstıtýttarynda ondaı bazalardyń qurylǵanyn aıta kelip, jastardy olardyń jumystaryna belsendi atsalysýǵa shaqyrdy.
«Qazaqstandyq joǵary oqý oryndarynda qurylyp otyrǵan ǵylymı-tehnıkalyq parkterge baılanysty Prezıdentke úlken rahmet aıtqym keledi. Bul bastama bizdi yntalandyrýda jáne elge oralǵan soń, osynda alǵan bilimderimizdi kádege asyra alatyndyǵymyzǵa úmittimiz», deıdi Aıshat Erǵalıeva.
Al Londonnyń Koroldik kolledjiniń úshinshi kýrs stýdenti, bolashaq ınjener-mehanık Ásel Álibekova, ındýstrııalyq-ınnovatsııalyq damý baǵdarlamasyn júzege asyrý týraly Elbasynyń ıdeıasyn óte mańyzdy jáne der kezinde qabyldanǵan sheshim dep sanaıdy. Áseldiń pikirinshe, zııatkerlik serpimdi qamtamasyz etý úshin, júıeli jumys jáne sheteldik mamandardy tartý kerek, birinshi kezekte, jergilikti kadrlardy oqytý úshin.
Al Vestmınster ýnıversıteti Dıplomatııa akademııasynyń magıstranty Dáýren Qýanyshev bolashaq halyqaralyq zańger. Onyń aıtýynsha, «Eýropaǵa jol» memlekettik baǵdarlamasyn júzege asyrýǵa jáne Qazaqstannyń aldaǵy EQYU-ǵa tóraǵalyǵyna jas kadrlardy tartý jónindegi Elbasynyń ıdeıasy unap otyr. «Jaqsy isti bastaý úshin, nıet, talpynys jáne erik qajet. Meniń kózqarasymsha, osy qasıetterdiń barlyǵy qazir shetelderde bilim alyp jatqan jastarǵa tán. Elbasymen bolatyn osyndaı kezdesýlerdiń biz úshin mańyzdylyǵyn aıtyp ótkim keledi», deıdi Dáýren Qýanyshev.
