Brıtandyq jazýshy Djoan Roýlıng 48 metrlik ıahtasyn $20 mln-ǵa satady
ASTANA. QazAqparat - Brıtandyq jazýshy Djoan Roýlıng 48 metrlik "Amfıtrıta" qaıyǵyn $20 mln satady. Bul týraly The New York Post gazeti jazdy, dep habarlady TASS.
Roýlıng ıahtany 2016 jyldyń qańtarynda $29 mln-ǵa satyp alǵan.
On jolaýshyǵa shaqtalǵan qaıyq 2001 jyly salynǵan. Bastapqyda "Anatolııa" dep ataldy. 2006 jyly ony gollıvýd akteri Djonnı Depp satyp alǵan. 2014 jyly qaıyq qaıta saýdalanyp, qazirgi "Amfıtrıta" ataýyna ıe boldy.
Djoan Roýlıng sıqyrshy-bala Garrı Potterdiń arqasynda tanyldy. Sunday Times gazetiniń aqparatynsha, onyń dáýleti 600 mln fýntqa (shamamen $800 mln) baǵalandy.
