Brıtandyq jasóspirim meshitke shabýyl jasamaq boldy
ASTANA. 4 qazan. QazAqparat - 16 jastaǵy brıtandyq bozbala amerıkalyq «Kolýmbaın» oqý ordasyndaǵy jappaı qantógis sekildi óziniń burynǵy oqyǵan mektebine shabýyl jasap, atyn shyǵarmaq bolǵan, dep habarlaıdy Muslim kz.
Tártip saqshylary onyń úıinen bultartpaıtyn aıǵaq retinde pnevmatıkalyq qarýdyń túr-túri men jarylǵysh shólmekti taýyp aldy. Ol Lestershır graftyǵyna qaraıtyn Charnvýd okrýgindegi Lafboro qalasyndaǵy bilim berý mekemesin oırandaýdy oılaǵan.
Tintý barysynda jasóspirimniń úıinen fashıstterdiń belgisi men ultshyldardyń urany beınelengen noýtbýk tabylǵan. Buǵan qosa, kózi qaraıǵan jasóspirim jergilikti meshitke, kınoteatrǵa, ýnıversıtetke jáne kolledjge shabýyl jasamaq bolǵany áshkere boldy. Bir aıta keterligi, ol aýtızmmen jáne Asperger aýrýymen syrqattanady eken. Áıtse de, bul zań aldyndaǵy jaýapkershilikten qutqarmaıdy.
