Brıtandyq Vırgın araldarynyń kompanııasy BTA Bankten kepilsiz $136 mln kredıtti qalaı aldy
Osy kompanııa arqyly Áblıazov Bank esebinen 136 mıllıon AQSh dollarynan astam qarajat urlaǵan, - dep habarlady «QazAqparat» HAA tilshisi.
«Tirkelgennen keıin «Rimos Ltd» kompanııasy birden «BTA Bank» AQ-na Máskeý oblysynan jer ýchaskelerin satyp alý, «Chesterland Invest Corp» kompanııasynyń 10 paıyz aktsııalaryn satyp alý boıynsha «Somerset Project Inc» kompanııasyn qarjylandyrý, ınvestıtsııalyq shyǵyndardy qarjylandyrý úshin 136 mıllıon AQSh dollary somasynda nesıe alýǵa ótinim beredi», - dedi «BTA Bank» ókili Talǵat Amantaı.
Budan buryn sotta birneshe kýágerler rezıdent emes kompanııalardyń barlyq qujattary osy maqsatta qurylǵan, Áblıazov tikeleı baqylaǵan №6 korporatıvtik bıznesti basqarý bóliminde ázirlenip, saqtalǵanyn habarlady. Bul rette Áblıazovqa tıesili offshorlyq kompanııaǵa kredıtti BTA Bank kepil múliksiz bergen. «Qarjylandyrý kezinde kepilmen qamtamasyz etilgen joq», - dep atap óti jábirlenýshi tarap ókili.
Alaıda barlyq belgilengen normaǵa qaramastan qylmystyq qoǵamdastyq músheleri men Muqtar Áblıazov atalǵan kompanııaǵa 2009 jylǵy jeltoqsanǵa deıingi merzimge, 14 paıyz jyldyq syıaqy stavkasymen 136 mıllıon dollar kredıt berý týraly sheshimdi jeke shyǵarady. Bul kredıt qaıtarylmaǵanyn atap ótildi.
Keıinnen belgili bolǵandaı, «Rimos Ltd» jáne «Bexley Holding Sarl» kompanııalary bir kúndik jáne zańdy negizde kredıtke berý túrinde Banktiń aqshasyn urlap, shyǵarý maqsatynda qurylǵan.
