Brıtandyq veloshabandoz «Altyn velosıped» syılyǵyn ıelendi
ASTANA. QazAqparat - Dúnıejúzilik týrdyń Team Sky komandasynyń atynan shyǵatyn brıtandyq veloshabandoz Krıs Frým «Altyn velosıped - 2017» syılyǵynyń ıegeri atandy.
Bul jaıly L'Equipe basylymy jazdy.
«Altyn velosıped» syılyǵy 1992 jyldan beri jyl saıyn tas jol velosportyndaǵy maýsymnyń úzdik shabandozyna frantsýzdyq Velo Magazine jýrnalymen tabystalady. 32 jasar brıtandyq buǵan deıin eki márte, 2013 jáne 2015 jyldary «Altyn velosıped» syılyǵynyń ıegeri atanǵan.
Forým «Týr de Franstyń» tórt dúrkin jeńimpazy (2013, 2015, 2016, 2017). Bıylǵy jyldyń jazynda bir maýsymda «Týr de Frans» pen «Výelte Ispanııada» jeńiske jetken ol qazirgi zaman tarıhyndaǵy birinshi veloshabandoz atandy.
Foto:© Joan Llado/AP
