Brıtandyq ýnıversıtetter sheteldik stýdentter úshin kúresýde
ASTANA. 3 naýryz. QazAqparat - Ótken jyly Brıtanııada Eýroodaqtan tys jerlerden 300 myń stýdent oqydy, olardyń kópshiligi - Qytaı men Úndistan jastary, dep habarlady Bı-Bı-Sı-diń Orys qyzmeti.
Brıtandyq ýnıversıtetter úkimettiń ımmıgranttar aǵynyn qysqartý josparlary eldegi sheteldik stýdentter sanyna áser etpeýine qol jetkizýge nıetti.
Londonnyń ortalyǵynda shaqyrylǵan baspasóz máslıhatynda Brıtandyq ýnıversıtetter qaýymdastyǵynyń prezıdenti Erık Tomas bul úshin Brıtanııaǵa stýdenttik vızamen kelýshiler ımmıgratsııa statıstıkasynan shyǵarylyp tastalýyna ókimet oryndaryna ótinish jasamaq.
Immıgratsııany qysqartý qazirgi koalıtsııalyq úkimette basym bolyp otyrǵan konservatorlardyń ishki saıasatynyń mańyzdy tarmaqtarynyń biri. Torı bıligi ókimetke kelgen boıda ımmıgratsııany 2015 jylǵa qaraı 215 myńnan 100 myńǵa deıin qysqartý josparlary jóninde málimdedi.
Bul brıtan ýnıversıtetterin tuıyqqa tirep otyr. Qazirde Ulybrıtanııa sheteldik stýdentterge tartymdylyǵy jaǵynan álemde AQSh-tan keıingi ekinshi orynda tur.
