Brıtandyq sýretshi ári rejısser Rýt Maklennan Qazaqstan jaıynda kıno túsirmek
ALMATY. Mamyrdyń 9-y. QazAqparat /Ádilet Musahaev/ - Brıtandyq sýretshi ári rejısser Rýt Maklennan Qazaqstannyń shól jáne dala landshaftary men tarıhy týraly kórkem kıno túsirmek. Bul jaıynda ol Almatyda ótken baspasóz máslıhatynda málim etti,
dep habarlaıdy QazAqparat.
R. Maklennan Qazaqstan jerine alǵash 1990 jyly kelgen ýaqytynda elimizdiń landshaft beınesi men tańǵajaıyp dalasy ony qyzyqtyrmaı qoımaǵan. «Osy elge kelgen kezimde záýlim qala alańy men taýlarynda samǵap júrgen búrkit týraly túrli jobalar oılap taptym, sonyń nátıjesinde Sharyn shatqalyndaǵy qyrandar men ańshylar týraly erekshe fılm túsirgen edim», deıdi rejısser.
Sondaı-aq ol osy joly túsiriletin fılminiń mazmuny jaıynda eshtene ashyp aıtpady, tek onyń shól dala týraly jáne sol jerdiń astynda qalǵan tarıh pen bolashaq jaıly aıtylatyndyǵyn jetkizdi.
Atalmysh kınoda arheolog pen geolog sııaqty eki keıipker bolady, onyń bir keıipkerin jerlesimiz Sáýle Súleımenova somdamaq.
