Brıtandyq súńgýirler sýǵa batqan korablden tórt tonna altyn tapty
ASTANA. QazAqparat - Brıtandyq zertteýshiler Islandııa jaǵalaýynan bortynda altyn salynǵan jáshikter bar Ekinshi dúnıejúzilik soǵys kezindegi nemistiń SS Minden júk korablin tapty.
Bul aldyn ala boljam boıynsha, natsısterdiń kemesi bolýy kerek, dep habarlaıdy Daily Mail.
Basylymnyń jazýynsha, korabl 1939 jyly Islandııadan 190 shaqyrym jerde batqan.
Keıbir derekterge qaraǵanda, Gıtlerdiń ózi ony brıtandyq flot baıqap qalǵannan keıin batyrýǵa buıryq bergen.
Aldyn ala boljam boıynsha, tabylǵan altyn ońtústikafrıkalyq bankterden alynǵan. Qazynanyń naqty baǵasyn zertteýshiler aıqyndaıtyn bolady, degenmen ol 100 mln sterlıngke jetýi yqtımal.
