Brıtandyq stýdent jolaqysyn tóleýge arnalǵan manıkıýr oılap tapty
ASTANA. QazAqparat - Kúndelikti avtobýsqa mingen kezde biz úshin tıyn-tebendi syldyrlatyp jatqannan ótken qolaısyz nárse joq. Al Brıtanııanyń Central Saint Martins kolledjinde oqıtyn dızaınerlik fakýltet stýdenti Lıýsı Devıs áıelder úshin bul máseleni ózinshe sheshipti, dep jazady 24.kz.
Stýdent qyz bul úshin Londonda keńinen qoldanylatyn Oyster jolaqysyn tóleý kartasynyń arnaıy chıpin sýyryp alyp, ony ózi oılap tapqan manıkıýrdiń arasyna kiriktirgen. Endi mundaı manıkıýr jasatqan áıel qoǵamdyq kólikke ótý jolyndaǵy týrnıketke saýsaqtaryn tıgizse bolǵany, qalaǵan jerine deıin kólikke otyryp kete beredi.
«Men oılap tapqan bul manıkıýr búkil álemniń kádesine assa eken. Sebebi osy manıkıýrdi oılap tabý kezinde men jer-jahanǵa keńinen kóz júgirtip, biraz nárseni saraladym. Sonyń arqasynda adamnyń ómirin qolaıly etip ózgertetin ónim týraly oı basyma keldi», - deıdi Lıýsı Devıstiń ózi.
Qazir ol Londondaǵy qoǵamdyq kóliktiń resmı ókilderimen sóılesip te qoıypty. Endi kóp uzamastan, brıtandyq qyz-kelinshekter metro nemese avtobýsta júrý aqysyn tyrnaqpen tóleıtin bolýy múmkin, dep jazady Metro.
