Brıtandyq stýdent elesterdi zertteýge grant aldy
ASTANA. Qarashanyń 3-i. QazAqparat - Brıtanııanyń Nortgempton ýnıversıtetiniń stýdenti telepatııa men kóripkeldikti zertteý úshin 3000 dollar (1811 fýnt) kóleminde stıpendııa aldy.
Psıhologııa fakýltetiniń sońǵy kýrs stýdenti Kallým Kýper bul qarjyny amerıkandyq Parapsıhologııa qorynan alyp otyr, dep habarlaıdy Bı-Bı-Sı.
K.Kýper paranormaldyq qabiletter men o dúnıedegi ómirdiń bolý múmkindiginiń ǵylymı aspektilerin zertteýmen aınalysady. Ol granttyń kómegimen 2010 jyly «Elester jáne gallıýtsınatsııalar» degen taqyrypta dıssertatsııa qorǵamaq.
K.Kýperdiń aıtýynsha, paranormaldyq qubylystarǵa degen onyń yqylasy elester týraly ańyzdarymen aty shyqqan Nottıngempshır graftyǵyna barǵanda paıda bolǵan. «Maǵan áriptesterimmen birge únemi kezekti bir elesterdi zertteýge atsalysýǵa týra keletin, al jaqynda oǵan o dúnıeden shalynǵan qońyraýlar men joldanǵan hattardy zertteý taqyryby qosyldy», deıdi Kýper.
Stýdenttiń óz ǵylymı jumysyn jazýǵa eń sátti oryn tańdap otyrǵanyn aıta ketý kerek: Nortgempton ýnıversıteti - Anomaldyq psıhologııalyq úderisterdi zertteý jónindegi ortalyǵymen aty shyqqan oqý orny.
