Brıtandyq sportshy 157 kún sýda júzip, rekord jasady
ASTANA. QazAqparat - Brıtandyq sportshy Ross Edjlı Ulybrıtanııa araldaryn aınala júzgen tarıhtaǵy alǵashqy adam atandy, dep habarlaıdy Sky News telearnasy.
Rekord jeksenbi kúni jasalǵan.
33 jastaǵy sportshy Margıt qalasynan 1 maýsym kúni shyqty.
Ol janyndaǵy katamaranda demalatyn jáne túneıtin bolǵan.
Edjlı kún saıyn sýda 12 saǵattan júzgen jáne birde bir ret jaǵaǵa shyqpaǵan kórinedi.
157 kúnniń ishinde júzgish 3317 shaqyrymdy artqa tastap, saparyn ózi alǵash bastaǵan Margıttegi jaǵajaıynda sátti aıaqtady.
Edjlıdiń sózine qaraǵanda, júzý kezinde túrli oqıǵalardy bastan keshýine týra kelgen. Bir qyzyǵy, kúsh-qýatyn qalpyna keltirý úshin 640 banan jegen.
Júzýdi sátti aıaqtaǵan sportshy osymen úshinshi ret Gınnestiń rekordtar kitabyna enip otyr.
Foto: AP Photo/Olaf Pignataro
