Brıtandyq rejısserdiń Semeı polıgony týraly fılmi kórsetildi

ASTANA. QazAqparat - Elordada burynǵy Semeı ıadrolyq polıgony jaıly brıtandyq rejısser túsirgen derekti fılm kórsetildi, dep habarlaıdy QazAqparat Habar 24 telearnasyna silteme jasap.

Fılm «Jel soqqan jerde» dep atalady.  Týyndy elimizde alǵash ret kórsetilip otyr. Buǵan deıin ol AQSh jáne Eýropanyń birneshe memleketinde kórermen nazaryna usynylǵan bolatyn. Sol arqyly 40 jyldan astam ýaqyt júrgizilgen synaqtar men odan zardap shekken jandardyń ómiri baıandalady. 70 mınýttyq eńbekti sheteldik sarapshylar men qoǵam belsendileri tamashalady. Olar erteń elordada ıadrolyq qarýsyzdandyrý taqyrybynda ótetin halyqaralyq konferentsııaǵa qatysady.  

«Eń basty keıip keıipker Káripbek Kúıikov, taǵy bir keıipkerimiz Berik Syzdyqov. Ekeýi de mańyzdy. Biraq onda basqa da sarapshylar pikir bildiredi», - deıdi ıAdrolyq qarýsyzdandyrý jáne joıý jónindegi halyqaralyq uıymnyń ókili Marjan Nurjan.