Brıtandyq Premer-Mınıstr «Taqtar oıyny» telehıkaıasynyń ár serııasyn asyǵa kútetinin moıyndady
ASTANA. QazAqparat - Brıtandyq Premer-Mınıstr Devıd Kemeron tanymal «Taqtar oıyny» (Igry prestolov) atty telehıkaıanyń fanaty ekenin moıyndady, dep jazady Rosbalt.
«Men bul telehıkaıanyń Soltústik Irlandııada túsirilip jatqandyǵyna óte qýanyshtymyn jáne biz tórtinshi kezeńniń boks-setiniń shyǵýyn asyǵa kútýdemiz», - dedi Kemeron.
«Taqtar oıyny» telehıkaıasy jazýshy Djordj Martınniń fentezı romandarynyń tsıkline negizdelgen. Qanatqaqty epızodtyń tanystyrylymy 2010 jyldyń sáýirinde NVO-da ótti. Osy kúnge deıin kórermen qaýymǵa onyń 39 serııasy usynyldy.
Mamandardyń paıymynsha, atalǵan telehıkaıa qazirgi kezde eń sátti uıymdastyrylǵan televızııalyq joba bolyp tabylady.
