Brıtandyq polıtseıler artyq salmaqtan zardap shegetin balanyń ata-anasyna aıyp taqty
ASTANA. QazAqparat - Brıtandyq polıtsııa qyzmetkerleri artyq salmaqtan zardap shegetin jasóspirimniń ata-anasyn tutqyndady, dep habarlaıdy ITAR-TASS.
Olarǵa óz balalarynyń densaýlyǵyn durys kóńil bólmedi degen aıyp taǵylyp otyr. Alaıda jaýap alynǵan soń balanyń 49 jastaǵy ákesi men 44 jastaǵy sheshesi kepildikpen bosatylyp jiberilgen. Aıta keteıik, jasy nebári 11-degi balanyń boıy 1,5 metr bolsa da, salmaǵy 95,2 kg qurap otyr. Demek, onyń dene salmaǵynyń ındeksi 41,8 pýnktke jetken, bul «aýyr klınıkalyq jaǵdaı» retinde qarastyrylady. Ony bilim alatyn mektebi sońǵy aılarda tekserilýi úshin eki ret aýrýhanaǵa jibergen. «Balanyń salmaǵyna qatysty másele týyndaǵanda balalardy zorlyq-zombylyqtan qorǵaý qyzmetiniń de, densaýlyq saqtaý salasynyń da, áleýmettik qorǵaý qyzmetkerleri de oǵan nazar aýdarady», - deıdi polıtsııa ofıtseri. Al balanyń ákesi bolsa, muny urpaǵynyń ata tektik beıimdiligimen (genimen) baılanystyryp otyr.
