Brıtandyq mınıstr qazaqstandyq ınnovatorlardy Londonǵa shaqyrdy
ASTANA. QazAqparat - Ulybrıtanııanyń saýda jáne ınvestıtsııalar mınıstri Greg Hends óz eliniń Qazaqstanmen túrli salalar boıynsha yntymaqtastyqty keńeıtkisi keletinin jetkizdi, dep habarlaıdy QazAqparat tilshisi.
«Qazaqstanmen jalpy saýda kólemin ulǵaıtqymyz keledi. Biz Qazaqstanǵa kóp ınvestıtsııa salamyz, Qazaqstan bizdiń ınvestıtsııalar boıynsha 6-orynda tur. Bul Qazaqstan egemendik alǵan sátten beri jergilikti ekonomıkaǵa 20 mlrd fýnt sterlıng ınvestıtsııaladyq degen sóz. Sondaı-aq, biz aqyldy qalalar boıynsha óz zerttemelerimizdi Qazaqstanǵa ákelip, tehnologııalar salasynda yntymaqtastyqty keńeıtkimiz keledi. Odan bólek, ınfraqurylymdyq nysandar boıynsha yntymaqtasýdy qalaımyz», - dedi Greg Hends.
Sonymen birge, Ulybrıtanııa mınıstri bıznesti keńeıtý úshin qazaqstandyq ınnovatorlar men kásipkerlerdi óz eline shaqyrdy. Hends kelesi jyly aǵylshyndyq taraptyń «Astana» halyqaralyq qarjy ortalyǵymen tyǵyz yntymaqtastyǵynyń bastalatynyn eske saldy.
«Eger qazaqstandyq tehnologııa jasaýshylar Eýropada óz keńsesin ashqysy kelse, oǵan eń qolaıly oryn Ulybrıtanııa bolmaq. 2016 jyldyń naýryz aıynda biz qazaqstandyq tarappen ózara túsinistik týraly memorandýmǵa qol qoıdyq, al 1 qańtardan bastap, «Astana» halyqaralyq qarjy ortalyǵymen jumys bastalady. Bizdiń mindetimiz - qazaqstandyq tarappen birlesip, Astanada qarjylyq qyzmetter kórsetetin óńirlik hab qurý», - dep atap ótti ol.
«Qarjylyq qyzmetter kórsetýde Ulybrıtanııa álemdik kóshbasshy bolǵandyqtan, «Astana» halyqaralyq qarjy ortalyǵynyń seriktes retinde bizdi tańdaýy - zańdylyq, - dep jalǵastyrdy mınıstr. - Biz qazaqstandyq kompanııalardy álemdik qarjy naryǵyna qoljetimdilikpen qamtamasyz etkimiz keledi jáne bul yntymaqtastyqta jekeshelendirý aıtarlyqtaı mańyzdy faktor bolyp tabylady. «Astana» qarjy ortalyǵy qazaqstandyq kásipkerler men Londonnyń iskerlik bóligi arasyndaǵy kópirge aınalýy tıis».
Hends Ulybrıtanııa astanasyndaǵy «jasyl» tehnologııalardyń damýy jóninde de aıtyp berdi. Tumandy Albıon úshin bul tehnologııalar aýadaı qajet bolǵan kórinedi.
«Londonda ınnovatsııalyq tehnologııalardy qoldaný asa qajet, sebebi qala halqynyń sany artqan saıyn, aýa sapasyn da jaqsartý qajettigi týyndaıdy. Máselen, London metrosy álemdegi alǵashqy metropolıtenderdiń biri, ol óz jumysyn 19-ǵasyrdyń 70-jyldarynda bastady. Jolaýshylardyń sany kóbeıgen saıyn, metronyń da baǵdarshamdar men poıyz qozǵalysyn retteý júıelerin jańartý qajet, poıyzdardyń ýaqyt aralyǵyn qysqartý kerek», - dedi brıtandyq vedomstvo basshysy.
Sondaı-aq, brıtandyq mınıstr jańa máseleler týyndamaý úshin ekologııalyq taza avtomobılderdi belsendi túrde engizý qajettigin basa aıtty.
«Taǵy bir kóp taralǵan tehnologııa - elektr kólikterin engizý. Eger olardy keń aýqymda qoldanar bolsaq, kóptegen qýattaý stantsııalary kerek bolady. Bul da ózekti másele, sebebi avtoturaqtardyń aýmaǵyn kishireıtý qajettigi týyndaıdy. Elektr kólikterine arnalǵan qýattaý qurylǵylaryn kóshe shamdaryna ornatýǵa bolatyn tehnologııa bar. ıAǵnı, sham kóshege jaryq shashyp qana qoımaı, elektr mashınalaryna qýat beredi», - dedi Henks.
Eske sala ketsek, buǵan deıin brıtandyq mınıstr brıtandyq kompanııalardyń jaqynda Astana ákimdigimen tyǵyz yntymaqtastyqta jumys isteıtinin habarlaǵan edi. Atap aıtqanda, Gillespie kompanııasy qalanyń jańa bas jospary úshin tehnıkalyq tapsyrmasyn ázirleý men ınfraqurylymdyq jobalar boıynsha yntymaqtastyqty bastap ketti.
