Brıtandyq mektep oqýshysy óz saıtyn 6 mln dollarǵa satpaı qoıdy
ASTANA. QazAqparat -16 jastaǵy Muhammed Álıdiń aıtýynsha, bolashaqta onyń jobasynyń quny qymbattaı túsedi.
Iorkshır graftyǵynyń turǵyny Álı úıde otyryp naryqtaǵy usynystardy salystyryp, tıimdi baǵa boıynsha taýar tabýǵa múmkindik beretin saıt jasady. Jobany ázirleýde oǵan 60 jastaǵy bıznes-seriktesi Krıs Torp kómektesken, dep habarlaıdy tjournal.ru .
Oqýshynyń aıtýynsha, ol ázirge óz bastamasyn egjeı-tegjeıli aıtýdy qalamaıdy, biraq bul jobanyń álemde balamasy joq ekenine senimdi.
«Londondyq ınvestorlar menimen 2016 jyly jeltoqsan aıynda kezdesti. Olar derekterdi basqarýmen aınalysady, sondyqtan saıtty ózim qurǵanyma senbedi», - dedi weneed1 jobasynyń avtory Muhammed Álı.
Álı olardyń usynysynan bas tartqan. Ol qazir 5 mıllıon fýntqa (shamamen 6 mıllıon dollar) baǵalanǵan jobasynyń bolashaqta odan da qymbat bolaryna senimdi. 
