Brıtandyq Manchesterdegi túngi klýbtan qaıtyp kele jatyp, tań ata Parıjden bir-aq shyqqan
ASTANA. 21 qarasha. QazAqparat - Brıtanııanyń Manchester qalasynda turatyn jasóspirim keshke dostarymen birge qydyrýǵa shyǵyp, kelesi kúni tańerteń Parıjdegi Sharl de Goll áýejaıynyń ájethanasynda oıanǵan. Anyqtalǵandaı, ishimdik iship, mas bolǵan 19 jastaǵy Lıýk Hardıng tańǵy saǵat tórt kezinde túngi klýbtan úıine qaıtyp kele jatyp, óziniń shuǵyl túrde Eıfel munarasyn kórgisi keletinin sezingen.
Osy sezim býymen jas jigit taksı ustap, Manchester áýejaıyna tartqan, dep habarlady utro.ru.
Jol jónekeı telefon arqyly ushaq bıletine de tapsyrys berip úlgergen. Sóıtip, ol tańǵy altylar shamasynda Parıjge ushyp shyqqan.
Jasóspirimniń bul qyzyq áreketi oǵan 300 fýnt sterlıng shyǵyn ákeldi. Alaıda ol óziniń «sátsiz saparyna» esh ókinbeıtindigin aıtty. «Bul uzaq ýaqyt esten ketpeıtin qyzyq oqıǵa boldy», - dedi Hardıng.
