Brıtandyq mamandar Qazaqstandaǵy ushý qaýipsizdigin baqylamaq
ASTANA. QazAqparat - QR IDM Azamattyq avıatsııa komıtetiniń ókilderi ulybrıtanııalyq áriptesterimen kezdesý ótkizdi. Bul jaıynda aqparat atalǵan komıtettiń Feısbýktegi paraqshasynda jarııa etildi, dep habarlaıdy QazAqparat tilshisi.
«100 naqty qadam» Ult josparynyń aıasynda Qazaqstannyń azamattyq avıatsııa salasyn memlekettik retteýdiń brıtandyq úlgisine (68-qadam) kóshý boıynsha UK CAA mamandarymen jumys jalǵasýda. Búgin QR IDM Azamattyq avıatsııa komıtetiniń ókilderi UK CAA halyqaralyq damý aǵa menedjeri Lıam Bernmen kezdesý ótkizdi», - delingen taratylǵan aqparatta.
Vedomstvonyń atap ótýinshe, aldaǵy ýaqytta brıtandyq mamandar Qazaqstandaǵy ushý qaýipsizdigin baqylamaq.
«Kezdesý barysynda bolashaq yntymaqtastyqtyń joldary talqylandy. Aldaǵy ýaqytta brıtandyq mamandar ushý qaýipsizdigin baqylaý jáne qadaǵalaý boıynsha jańa qurylymǵa jumysqa tartylady dep kútilýde», - dep habarlady komıtetten.
Aıta keteıik, Lıam Bern UKCAAi halyqaralyq damý aǵa menedjeri bolyp jumys isteıdi. Onyń Lufthansa Consulting, UKCAAi jáne basqa da iri kompanııalarda strategııalyq damý jáne josparlaý boıynsha keńes berý salasynda 16 jyldan astam jumys tájirıbesi bar.
