Brıtandyq mamandar qartaıý úrdisin toqtatýǵa bolatynyn dáleldedi
ASTANA. QazAqparat - Brıtandyq mamandar qartaıý úrdisin toqtatýǵa bolatynyn dáleldedi. Olar zerthanalyq tyshqandarǵa jasaǵan taldaý arqyly NMN erekshe molekýlalaryn synap kórdi. Usynylyp otyrǵan bul terapııa «jastyq genderin» belsendetip, «qartaıý genderin» aınalyp ótýge múmkindik berdi, dep jazady «Sam» TAA.
Zertteýge jetekshilik etip otyrǵan Devıd Sınklerdiń aıtýynsha, onyń jumys toby tarıhta alǵash ret aǵzanyń qartaıýy men jasarýyna jaýap beretin genderdi naqty anyqtaı aldy. Onyń máni denege engiziletin qospanyń qartaıý protsesine jaýap beretin barlyq genderdi «óshirip tastaıtynynda» bolýda. Onymen qosa «jastyq genderin» yntalandyrý júrgiziledi.
«Biz aǵzanyń qartaıýymen kúresetinin qadaǵalaıtyn genderdi ashtyq, eger olardy durys paıdalansaq, olar keremet nátıje beredi, qartaıý protsesin keıin qaıtara alady, biz ony tyshqandarǵa jasalǵan tájirıbeden baıqadyq», - deıdi Sınkler.
Janýarlarmen ótkizilgen tájirıbe aıasynda jasalǵan preparattyń ekpeleri qartaıýdy bir aptaǵa toqtata alatyny anyqtaldy. Tyshqandarǵa NMN molekýlasy engizilgen soń olardyń qartaıý protsesi kúrt baıaýlaǵan. Sınkler adamdarǵa jasalǵan ekpeden de osyndaı nátıje kútýge bolatynyna senimdi.
