Brıtandyq La-Mansh arqyly 16 saǵat júzgennen keıin qaıtys boldy
ASTANA. QazAqparat - Brıtandyq Nık Tomas (Nick Thomas) La-Manshty jalǵyz ózi júzip ótpek bolyp, qaıtys boldy. Ony es-tússiz jatqan jerinen frantsýz jaǵalaýynan shamamen 10 mıl jerden (16 shaqyrymǵa jýyq) sýdan tapty, dep habarlady Lenta.ru BBC News basylymyna silteme jasap.
Senbi kúni tańerteń, 27 tamyzda Tomas Ulybrıtanııanyń portty qalasy Dývrdan júzýge attandy. Shamamen, 16 saǵattan keıin atlet qınalyp, esinen aıyryla bastady. Qutqarýshylar ony sýdan shyǵaryp, aýrýhanaǵa jetkizdi, sonda ol jan tapsyrdy.
Tomastyń qaıtys bolǵanyn brıtandyq SІM qýattady. Syrtqy saıasat vedomstvosy onyń otbasyna kómegin usyndy.
Shropshire Star Tomastyń 45 jasta ekenin, onyń qurylys kompanııasynda jumys istegenin aıtady, biraq ta ol trıatlon boıynsha - Ironman jáne Ultraman serııaly jarystarymen áýestengen. Sporttyń bul túri tózimdilikti qajet etedi. Máselen Ironman jarysy úsh kezeńnen turady, ol bir kún boıy myna tártippen úzilissiz ótedi: 2,4 mılge júzý (tórt shaqyrymǵa jýyq), tasjolda velosıpedpen 112 mıl júrý (180 shaqyrymǵa jýyq) jáne marafon júgirisi 26,2 mıl (42 shaqyrymnan asady).
