Brıtandyq kompanııa táýligine 12,5 myń dollar turatyn tarıhtaǵy eń qymbat teńiz saıahaty baǵdarlamasyn oılap tapty
ASTANA. 5 naýryz. QazAqparat - Brıtandyq Six Star Cruises kompanııasy táýligine 12,5 myń dollar turatyn týrızm tarıhyndaǵy eń qymbat teńiz saıahatynyń baǵdarlamasyn oılap tapty, dep habarlady reseılik «Jańalyqtar» agenttigi.
Uıymdastyrýshylardyń aıtýynsha, álemdegi eń qymbat krýız 124 kúnge sozylady jáne Frantsýzdyq Polınezııa, Jańa Zelandııa, Malaızııa, Maldıv araldary jáne Mavrıkııa sııaqty 28 eldi qamtıdy. Sondaı-aq qonaqtarǵa Qurama Shtattardyń eń tamasha kórnekti jeri - los-andjelestik Beverlı Hıllzdi kórsetý, týrısterdiń qalany «Rolls-roıstarmen» aralaýy usynylady. Londonnan saıahattaýshylardy úılerinen Sikorsky ushaqtarymen alyp ketedi, onyń bortynda kelisi 6300 dollarǵa jýyq qyzyl balyq ýyldyryǵynan dám tatyp, kelisi 3000 dollardyń Da Hong Pao shaıyn iishý, Dom Perignon Rose sharabyn aýyz tııý usynylady.
Sapar qunyna eń tańdaýly qonaqúılerde ornalasý, dastarqan mázirine eń qymbat jáne sapaly tamaqtar qosylǵan. Saıahatshylar saparynyń teńizdik bóliginde lıýks klasyndaǵy kemelerge jaıǵasady. Olar eki jatyn bólmesi, eki vanna bólmesi, ashana jáne bar kózdelgen jaıly kaıýtalarda tynyǵatyn bolady.
Saıahat Maıamıdegi táýligine 11,5 myń dollar turatyn qonaqúı jaılarynda bes kún turýmen aıaqtalady. Odan keıin olar ushaqpen otandaryna, áýejaıdan tikushaqpen úılerine jetkiziledi.
