Brıtandyq kitaphananyń kitaby 63 jyldan keıin qaıtaryldy
ASTANA. QazAqparat - Brıtandyq kitaphanaǵa 1950 jyly 31 jeltoqsanda berilgen «Pınokkıonyń bastan keshkenderi» kitaby qaıtaryldy, sóıtip, bul basylym kitap sóresine 63 jyldan keıin oralyp otyr, dep jazady sheteldik BAQ.
Mekeme basshylyǵy buǵan merzimi ótip ketken kitaphana kitaptaryn aıyppulsyz qaıtarý jónindegi seksen kúndik naýqan óz rólin atqardy, dep sanaıdy. Alaıda kitaphana qyzmetkerleri ózderiniń tańǵalysyn jasyrmaıdy, dep atap ótedi Guardian. «Kópten beri at izin salmaǵan oqyrmandarymyzdyń nazaryn aýdarý úshin árqashan da jańa bir nárse oılastyryp otyramyz, biraq ta mundaı nátıjeni kútpegen edik», - dep áńgimeledi kitaphana ókili.
Osy brıtandyq kitaphanada kitapty belgilengen merziminen artyq bir kún paıdalanǵany úshin oqyrman 18 pens (12 rýblge jýyq) tóleıdi, biraq ta eń joǵary aıyppul 5,22 fýntpen (315 rýbl jýyq) shektelgen.
