Brıtandyq Jaguar Land Rover kóligi Qytaıda shyǵa bastady
BEIJІŃ. QazAqparat - Qytaı Halyq Respýblıkasy Tszıansý provıntsııasynyń Chanshý qalasynda brıtanııalyq Jaguar Land Rover (JLR) kompanııasy men qytaılyq Chery kompanııasynyń birlesken kásiporny saltanatty jaǵdaıda ashyldy, dep habarlady «The Global Times».
Saltanatty jıynda Qytaıdy jasalǵan tuńǵysh Land Rover Evoque kóliginiń tanystyrylymy boldy. Bul kólik aldaǵy qarashada Gýanchjoýda ótetin 12-shi halyqaralyq avtomobıl kórmesine shyǵarylady.
Aıta keteıik, brıtandyq brendtiń tarıhynda bul kólik - shetelde tolyq qurastyrylyq turǵan birinshi nusqa. Buǵan Qytaıda JLR-diń ótimdi bola bastaýy yqpal etti. Máselen, 2013 jyly kompanııa Qytaıda 95 myń kóligin satsa, 2014 jyldyń tek, 9 aıynda 92 myń mashınany satqan. Munymen, jyl saıynǵy satý kólemi 30-38 paıyzǵa artyp otyrǵanyn kórsetti. Chery Jaguar Land Rover Automotive Co birlesken kásiporny basshylarynyń málimdeýinshe, zaýyt jyl saıyn Qytaıda ártúrli modeldegi kóliktiń shamamen 130 myńyn jasaýdy josparlap otyr. Eske sala keteıik, qazirgi ýaqytta nemis brendteri: Audi, BMW ı Mercedes-Benz Qytaı naryǵyndaǵy premıým klasyndaǵy kólikter kóshin bastap keledi. Olardan keıin JLR men Volvo tur.
