Brıtandyq IM jendeti óziniń 13 jasar uly ekenin tanydy
ASTANA. QazAqparat - Ulybrıtanııa turǵyny «Islam memleketiniń» nasıhattyq beınerolıgindegi jendettiń óziniń 13 jasar uly ekenin tanydy, dep habarlady The Independent.
Er adam kúrd tutqyndaryn tapanshadan atyp turǵan bala óziniń uly Djo Djo ekenin áńgimeledi. Brıtandyqtyń aıtýynsha, balanyń anasynan - rok-toptyń burynǵy múshesinen bala dúnıege kelgennen soń, 2004 jyly aıyrylysqan. Birqatar ýaqyttar ótkennen keıin onyń burynǵy zaıyby 20 jastaǵy ımmıgrant Djýnaıd Hýseınniń yqpalymen ıslamdy qabyldap, jańa súıiktisine turmysqa shyqqan jáne onymen birge Sırııaǵa ketken. Onda erli-zaıyptylar «Islam memleketi» sodyrlaryna qosyldy.
«Ol jaqsy bala bolatyn, qońyzdardy qýyp, saıabaqta oınap júretin. Men buǵan jol bermeýim qajet edi. Osyndaı kúıge ushyraǵany ókinishti», - dep málimdedi kishkentaı jıhadshynyń ákesi brıtandyq basylymǵa bergen suhbatynda.
Balanyń anasy Sallı Djons qazir Ým Hýseın Brıtanıııa retinde belgili. Onyń ekinshi jubaıy 2015 jyly avıasoqqy kezinde óltirilgen. Áıel qazir halyqaralyq izdeýde júr, dep jazady RIA Novostı.
