Brıtandyq ІІM basshysy Tereza Meı premerlikke kandıdatýrasyn usynbaq
ASTANA. QazAqparat - Ulybrıtanııa ishki ister mınıstri Tereza Meı óz kandıdatýrasyn Konservatıvtik partııasynyń basshysy jáne eldiń premer-mınıstriniń ornyna usynatynyn resmı jarııalady, dep habarlady Bı-Bı-Sı.
Ol Feısbýk áleýmettik jelisindegi óz paraqshasyna mundaı qadamǵa birden úsh sebep boıynsha barýǵa sheshkenin málimdedi.
Birinshiden, onyń aıtýynsha, qazir elge «myqty, synnan ótken eldi ekonomıkalyq jáne saıası turaqsyzdyq kezeńinde basqara bilýge jáne Eýroodaqtan shyqqan memleket úshin barynsha tıimdi jaǵdaılar týraly kelisýge qabiletti kóshbasshy» qajet.
«Ekinshiden, bizge partııa men eldi biriktiretin kóshbasshy qajet. Ázirge leıborıster ózderin joıyp, al Shotlandııa men Ýelste ultarazdyq oryn alyp jatqan kezde Konservatıvtik partııa jumylyp, barsha eldiń múddesi úshin basqarýdy jalǵastyrýǵa mindetti», - dep sanaıdy ol.
Úshinshi sebebi, memlekettik damýyna tyń, jańa oń tásil qajet dedi. Onyń pikirinshe, Ulybrıtanııa keıbir artyqshylyǵy bar azamattarǵa ǵana jaıly el emes, barshaǵa arnalǵan el bolýy tıis.
Budan buryn beısenbide premer-mınıstrlikke ózin usyný nıetin Ulybrıtanııa ádilet mınıstri Maıkl Goýv bildirgen. Onyń sheshimi kópshilik úshin kútpegen jaǵdaı boldy, sebebi kópshilik ony burynǵy London meri Borıs Djonsonnyń kandıdatýrasyn qoldaıdy dep kútti.
Djonson kandıdatýrasyn usyný jaıly aldaǵy beısenbide áńgime bolmaq.
Djonson men Goýv Ulybrıtanııanyń Eýroodaqtan shyǵýyn qalaǵan, al Meı burynǵy premer-mınıstr Devıd Kemeronmen odaqta múshelikte qalýdy jaqtaǵan.
Referendým ótken aptada ótti. Qorytyndysy boıynsha kópshiligi Eýroodaqtan shyǵýǵa daýys berdi. Artynsha premer-mınıstr Devıd Kemeron qazanda otstavkaǵa ketetinin málimdedi.
