Brıtandyq ǵalymdar totyqustardyń áýenge qumarlyǵynyń syryn tapty
ASTANA. 2 qańtar. QazAqparat - Lınkoln ýnıversıtetiniń ǵalymdary afrıkalyq sur totyqustardyń mýzykalyq talǵamyn zertteýge uıǵarym jasady.
Olar úsh totyqusty jeke bólip alyp, U2, Djoan Baez jáne UB40 reggı-komandasynyń yrǵaqty áýenderin tyńdatqan.
Áýezdi áýen totyqustarǵa qatty unaǵan. Olar án yrǵaǵymen terbelip, tipti qosyla aıtýǵa da talaptanǵan. Al Bah kantatalary qustardyń bosańsyp, ózderin erkin sezinýine jáne qaýyrsyndaryn tazalaýyna yqpal etken. Bir qyzyǵy, totyqustar bıge arnalǵan mýzykalardy da tyńdaýǵa da ket ári emestigin tanytqan.
