Brıtandyq ǵalymdar qaterli isiktiń 30 túriniń syryn ashty
ASTANA. 19 tamyz. QazAqparat - Zertteýshiler qaterli isikpen kúreste ony emdeýdiń jańa ádisterine alyp keletin, tipti onyń aldyn alýǵa múmkindik beretin jańalyq ashty, dep habaralady Rosbalt.
Taldaý jasaý kezinde brıtandyq ǵalymdar búkil álem boıynsha qaterli isikpen aýyratyn jeti myńnan astam adamnyń DNQ nátıjelerin salystyrǵan. Onyń ishinde qaterli isiktiń eń kóp taraǵan túrleri, sonyń ishinde keýde, ishek, ókpe qaterli isigin baqylaǵan.
Qaterli isiktiń keıbir túrleri temeki, kún sáýlesi jáne qartaıý sııaqty aıqyn fakorlardyń áserinen ekeni belgili bolsa, keıbir túriniń nelikten ekendigi belgisiz. Qaterli isik adamnyń ǵumyry boıynda jınalatyn DNQ mýtatsııalarynan týyndaıdy.
Zertteýshiler osy mýtatsııalarda ósken isiktiń genetıkalyq kodynyń zańdylyqtaryn zerttedi. 7 myń DNQ-nyń taldaý nátıjesi qaterli isiktiń 30 túrine jaýapty 21 modeldiń bolatynyn anyqtady. Іsik DNQ-daǵy keıbir konfıgýratsııalar kútkendeı bolsa, keıbiri kútpegen tosyn jańalyq boldy.
Máselen, qaterli isik aǵzanyń ınfektsııalarmen kúresýine kómektesetin aqýyzdy bóle alady. Bul modelderdiń keıbireýi qaterli isik túriniń birinde ǵana tabylsa, qartaıýdyń izderi kóptegen túrli isik túrlerinen tabyldy. Árbir qaterli isiktiń kem degende eki modeli bolady, alaıda, keýdeniń qaterli isiginde olardyń sany - bes, baýyrdyń qaterli isiginde - 6.
