Brıtandyq ǵalymdar qan taldaýy arqyly ómir súrý uzaqtyǵyn anyqtaıdy
ASTANA. 21 shilde. QazAqparat - Brıtandyq mamandar bolashaqta qan taldaýy arqyly ómir súrý uzaqtyǵyn anyqtaı alady, sonymen qatar bolashaqtaǵy aýrýlaryn da boljaıdy, dep habarlaıdy Rosbalt.
Bul test úlgisi qartaıýǵa qarsy jańa preparattar men ádisterdi jasap shyǵarýǵa septigin tıgizedi dep atap ótilgen. Zerrteý barysynda mamandar egizderden alynǵan 6 myńǵa jýyq qan úlgileri boıynsha taldaý jasaǵan. Nátıjesinde, ómir súrýi barysynda qurylatyn «saýsaq tańbasyna» uqsas 22 metabolıt anyqtalǵan. Olar arqyly ǵalymdar adam ómiriniń uzaqtyǵyn anyqtaı alady.
Metabolıt shoǵyry qart adamdarǵa qaraǵanda jastarda tómen bolatyndyǵy anyqtaldy. Sonymen qatar jańa týǵan náresteniń salmaǵy atalǵan elementke baılanysty, bul aldaǵy ýaqytta sábıdiń densaýlyǵyna áser etedi. Sonymen birge metabolıtter bolashaqtaǵy sozylmaly aýrýlardy da anyqtaýǵa septigin tıgizedi. Keıbir jaǵdaılarda syrtqy faktorlar áserinen nátıje ózgerýi de múmkin.
