Brıtandyq ǵalymdar gazdandyrylǵan sýsyndarǵa 20 paıyz salyq engizýdi qoldap otyr
ASTANA. 2 qarasha. QazAqparat - Brıtandyq Oksford pen Redıng ýnıversıtetteriniń ǵalymdary gazdandyrylǵan sý satýǵa 20 paıyz salyq engizý kerektigin qoldap otyr.
Zertteýshilerdiń pikirinshe, mundaı shekteý gazdandyrylǵan sýsyndardy satýdy 15 paıyzǵa azaıtyp, sút, apelsın shyryny, dıetalyq sýsyndar sııaqty «densaýlyqqa paıdaly» azyq-túlikke degen suranysty arttyrady, dep habarlady Associated Press.
Alaıda osyndaı batyl jańashyldyqtardyń jolynda jalpy ekonomıkalyq realııler tur: bıliktegiler ekonomıka turaqtandyrylmaı turǵanyn alǵa tartyp, mundaı sheshimdi engizýge asyqpaıdy. «2012 jyly da el úkimeti maı quramy joǵary samsa saýdasyna salyq salý týraly ózderiniń bastamasynan bas tartty», - deıdi sarapshylar.
Gazdandyrylǵan sýsyndardy satýǵa salyq salý ádisi Meksıka, Norvegııa, Frantsııa jáne AQSh-tyń birqatar shtattarynda qoldanylady.
