Brıtandyq ǵalymdar: fýtbolshylarǵa baspen dop soǵý - zııan
ASTANA. QazAqparat - Baspen oınaý - zamanaýı fýtboldyń ajyramas bir bóligi jáne jattyǵýlar barysynda fýtbolshylar maqsatty túrde pysyqtaıtyn tásilderdiń biri.
Fýtbolshynyń baspen jasaǵan birneshe soqqysynyń ózi mı qyzmetin buzyp, este saqtaý qabiletin nasharlatady, - dep sanaıdy brıtandyq ǵalymdar.
Shotlandııada Sterlıng ýnıversıtetiniń zertteýshileri dopty baspen birinen soń birin 20 ret urǵannan keıin «fýtbolshynyń mıynda azdaǵan, biraq asa mańyzdy ózgerister» baıqalady.
Máselen, este saqtaý qabileti tómendep, ol burynǵy qalpyna táýlik ishinde keledi.
EBioMedicine jýrnalynda jarııalanǵan shotlandııalyq ǵalymdardyń zertteýi alǵash ret baspen dopty urýdyń mı jumysyna tikeleı áser etetinin anyqtady.
«Kúlli álem boıynsha bul oıyndy oınaıtyndardyń sanyn eskersek, olar sporttyń bul túri mılaryna qalaı áser etetinin oılap júrgeni, saldarynyń qalaı bolatynyn bilgeni óte mańyzdy», - dep sanaıdy doktor Letsvaart.
Ázirge zertteýshiler muny zerdeleýmen ǵana shekteldi. Sondyqtan teris saldary qanshalyqty ekenin aıtý múmkin emes.
2015 jyldan bastap Qurama Shtattardyń balalar fýtbol sektsııalarynda 10 jasqa deıingi jetkinshekterge baspen soǵyp oınaýǵa tolyqtaı tyıym bar.
