Brıtandyq ǵalymdar ájimderdi ketirip, terini jasartatyn shokolad jasady
ASTANA. QazAqparat - Kembrıdj ýnıversıtetiniń ǵalymdary adamnyń bet-júzinde ájimderdiń paıda bolýyn báseńdetetin Esthechoc dep atalatyn shokoladty daıyndady.
Onyń kómegimen aǵzada antıoksıdanttardyń shoǵyrlanýynyń artýy men qan aınalymynyń kúsheıýiniń arqasynda adamnyń terisi jasaratyn kórinedi. Mamandardyń aıtýynsha, zertteýge óz erkimen qatysqan 50-60 jastaǵy eriktiler únemi Esthechoc shokoladyn paıdalanǵan soń olardyń bet terisiniń kúıi oń nátıjeler kórsetken. Úsh aptadan keıin olardyń terilerindegi qan aınalym júıesi men teri astyndaǵy maı jasýshalarynyń qyzmeti jaqsarǵan. Mundaı tańǵajaıyp shokoladtardyń saýda sórelerinde qashan paıda bolatyny týraly ázirge habarlanbady. Onyń baǵasy da belgisiz. Bul táttini daıyndaǵan ǵalymdar tolyǵyraq aqparatty 2015 jyldyń naýryzynda Londonda ótetin Global Food Innovation Summit konferentsııasynda usynatyndary týraly aıtty, dep habarlady BELTA.
