Brıtandyq ǵalymdar áleýmettik araqashyqtyqty 3 metrge deıin ulǵaıtýǵa shaqyrady
NUR-SULTAN. QazAqparat - Ulybrıtanııanyń «Sage» ǵylymı-keńes berý tobynyń jetekshi músheleri bul sharany 1,5 metrden 3 jáne odan da uzaǵyraq qashyqtyqqa ulǵaıtýdyń ýaqyty keldi dep sanaıdy. Sonymen qatar, olar jańa, Naýryz aıyndaǵydan góri qatal lokdaýn engizý ýaqyty keldi dep esepteıdi, dep jazady VAK baspasóz qyzmeti.
Eldiń densaýlyq saqtaý mınıstri Mett Hankok «bılik qajet bolǵan jaǵdaıda karantındi odan ári qataıtý múmkindigin joqqa shyǵarmaıtynyn» málimdedi.
Mundaı pikir elde dúısenbi kúni COVID-19-dan taǵy da 529 adamnyń qaıtys bolýynan týyndyǵan, bul ótken aptamen salystyrǵanda 30 paıyzǵa kóp. Bul, pandemııa bastalǵaly qaza tapqandar sany boıynsha eń joǵarǵy kórsetkish.Kóptegen adamdar ashyq aýada jattyǵýlarǵa berilgen ruqsatty dostarymen kezdesý múmkindigi retinde paıdalanady, buǵan qazirgi ýaqytta múldem jol berilmeýi tıis, deıdi bılik.
Sońǵy jeti kúnde Ulybrıtanııada ortasha eseppen 931 adam qaıtys bolǵan. Aldyńǵy eń joǵary aptalyq kórsetkish – 920 adam – sáýir aıynda, koronavırýstyń birinshi tolqyny kezinde tirkelgen bolatyn.
