Brıtandyq ǵalymdar 3D fılmderdi adam densaýlyǵyna paıdaly dep tapty
ASTANA. QazAqparat - Kınoǵa barýdy súıetinder 3D seanstarynda bastarynyń aýyratynyna shaǵymdansa da, brıtandyq ǵalymdardyń zertteýleri mundaı formattaǵy fılmderdiń kórýdiń adamǵa lázzat syılap qana qoımaı, paıdaly ekendigin kórsetti.
Neırobıologtar Patrık Fegan men Brendan Ýoker 3D seanstarǵa barý adam mıynyń belsendiligin arttyrady, degen senimde. Olardyń zertteý nátıjelerine súıensek, úsh ólshemdi fılmderdi tamashalaǵannan keıin adamdardyń reaktsııalary 11%-ǵa, al aqparatty qorytýy qabileti 23%-ǵa artqanyn kórsetti. Salystyrý úshin aıta ketsek, 2D fılmdi tamashalaǵandardyń nátıjeleri budan bes esege tómen boldy.
Patrık Fegannyń aıtýynsha, bul zertteýler qorytyndylary 3D fılmderdiń mıdyń qartaıýyn baıaýlatatynyn bildiredi.
Alaıda ázirge 3D fılmderdiń paıdalalyǵy týraly túbegeıli tujyrym jasalmaǵanyn aıta keteıik. 2011 jyly kalıfornııalyq ǵalymdar mundaı kınolarǵa barý adamnyń kórý qabiletin nasharlatyp, basynyń aýrýyna ákeletinin aıtqan edi, dep jazady filmpro.ru.
