Brıtandyq fýtbolshynyń asa qymbat turatyn eki kóligin urlap ketti
ASTANA. QazAqparat - Aǵylshyndyq «Aston Vılla» fýtbol klýbynyń shabýylshysy Darren Benttiń eki kóligin urlap ketken. Birmingham Mail-diń jazýynsha, kólik quny 150 myń fýnt sterlıng.
Oqıǵa senbi, 13 jeltoqsanda, saǵat 03:00-de oryn alǵan, alaıda ol jaıynda búgin ǵana belgili boldy. Qylmyskerler Lıttl Eston (Staffordshır graftyǵy) qalasynda ornalasqan 30 jastaǵy fýtbolshynyń úıine basa-kókteı kirgen. Olar Audi RS 6 jáne Range Rover, kólikteriniń kiltin taýyp, garajda turǵan mashınalarǵa mingen kúıi belgisiz baǵytta boı tasalaǵan.
Oqıǵa ornyna kelgen polıtsııa synǵan qulyptardy tapty, quqyq qorǵaý organdarynyń qyzmetkerleri kólikterdi, sondaı-aq qaskúnemderdi izdestirýge kiristi.
